Einans íbúðir í húsum, sum eru bygd eftir at lógin um eigaraíbúðir kom í gildi (3 apríl 1970), og upprunaliga eru ætlað til at leggja sundur í eigaraíbuðir, kunnu býtast sundur.
Íbúðir, sum eru egin ogn koma undir lógina um eigaraíbúðir. Eisini handlar, skrivstovur, goymslurúm, búrúm og onnur serliga avskilað húsarúm koma harundir.
Hvør eigaraíbúðin er at skilja sum egin føst ogn.
Eigari av íbúð hevur í felag við hinum eigarunum av íbúðum ognarrættin til grundina, lutir í felag og tillhoyr v.m. eftir býtistali, sum fyrisett er sum brotpartur. Er býtistal ikki fyrisett, eru allar íbuðirnar javnbjóðis um. Eigaraíbuðir kunnu eftir somu reglum stovnast í eigindómum á leigaðum grundøki.
Við sundurbýti í eigaraíbúðir verður matrikulin ikki broyttur. Tó verður eitt sakarnummar bókað undir matrikulnummarinum. Sambært kunngerð (nr.91 frá 28-11-1979) skulu kort yvir hvørja íbuð gerast og yvirlit við ávisum upplýsingum. Hesi skjøl skulu váttast av Umvhørvisstovuni og sendast tinglýsingini áðrenn, ella samstundis sum skeyti, pantibrøv o.l. fyrstu ferð verða tinglýst.
Vanliga ger Umhvørvisstovan tey skjøl, hon skal vátta.
Kunngerð nr. 14 frá 11. februar 2009 um gjøld eftir matrikullógini.